მასობრივი პროტესტის ფონზე, ბელარუსის პრეზიდენტმა ალექსანდრ ლუკაშენკომ ძალოვანი უწყებების ასობით თანამშრომელი "შესანიშნავი მსახურებისთვის" დააჯილდოვა.
შესაბამისი ბრძანება ეროვნულ სამართლებრივ ინტერნეტ-პორტალზე 18 აგვისტოს გამოქვეყნდა. ის 13 აგვისტოთია დათარიღებული.
როგორც რადიო თავისუფლების ბელარუსული სამსახური იუწყება, მათ შორის არიან სპეცრაზმის, "ომონის", წარმომადგენლებიც.
დაჯილდოებული ძალოვნების სია 25 გვერდს მოიცავს.
მასობრივი პროტესტი ბელარუსში 9 აგვისტოს გამართულ საპრეზიდენტო არჩევნებს მოჰყვა და ამ დრომდე გრძელდება. ფართომასშტაბიანი საზოგადოებრივი მღელვარება არჩევნების წინასწარმა შედეგებმა გამოიწვია - ოფიციალური მონაცემებით, ლუკანშენკომ ხმების 80%-ზე მეტი აიღო.
ანტისამთავრობო აქციები სამართალდამცველებთან შეტაკებების ფონზე მიმდინარეობდა. გამოიყენეს რეზინის ტყვიები და ცეცხლსასროლი იარაღი. მიტინგებზე დაიღუპა 2 ადამიანი, ათობით დაშავდა, ათასობით კი დააკავეს.
დახურვა